Nordlánda sáme luohkkoskåvllå

Mijá ulme li:

• nannit julevsámegielav, kultuvrav ja identitiehtav mijá joarkkaskåvlåjn.
• oassálasstet kvalitiehtav tjårggitjit ja åvddånahtátjit buorre julevsámegiela åhpadimev.
• doarjjot bargov låpptitjit sáme gielajt, kultuvrav ja identitiehtav divna skåvlåjn Nordlánda filkkasuohkanin.
• ájge nalluj sjaddat doarjjan oahppijda ja barggijda skåvlåjn. 

Filkkadikke mærrádus 093/2022 vaddá midjij dáv dahkamussan. Mij galggap «åvddånahttet diehtomateriálajt skåvlåjda ja oajvvadit aktisasj tjadádimev tjalmostimes ja åvdedimes sáme gielajs ja kultuvras Nordlánda joarkkaskåvlåjn" (mijá jårggålibme).  

Mij galggap 2024 jage nalluj joarkket bargojn dahkamusájn ja válldep diedon vuosstij tsuojggidusájt. Aktan máhttep hábbmit buorep skåvlåjt gájkajda!