Prográmmafáhka Sáme histåvrrå ja sebrudahka 1

Sáme histåvrrå ja sebrudahka l fáhka mij galggá oahppijda vaddet dádjadusáv sáme histåvrås, kultuvras, sebrudakiellemis ja riektájs. Åhpadime baktu galggi oahppe oadtjot máhttelisvuodav giehtadallat ja oassálasstet sebrudakhásstalusájn tjanádum guoddelis åvddånibmáj ja gasskasasj dåhkkidibmáj sebrudakiellemin. Duodden la ájnas oahppat prosessaj birra ma li dahkam vaj sáme kultuvrra dåhkkiduvvá ienebuv gå åvddåla, ja mijá aktisasj åvdåsvásstádusás dássásasj boahtteájges.

Luohkkoskåvllån julevsáme dáfon sihtap dættodit iesjguhtiklágásj åsijt sáme histåvrås ja sebrudagás Hábmerin ja Divtasvuonan. Avtabuohta galggi oahppi adnet bájkálasj perspektijvav vuodon gå galggi oahppat sáme histåvrå ja sebrudagáj birra ietjá åsijn Sámes, ja buohtastahttet dajt.

Variasjåvnå diehti fágan válldep adnuj bájkálasj máhtov, ietjálágásj klássalanjájt ja ekskursjåvnåjt.

Giellabiese

Juohkka tjavtja tjoahkkip divna julevsáme oahppijt Nordlánda joarkkaskåvlåjn æjvvalittjat ja sámegielav ságastittjat. Danna bessap oahppat, ståhkat, praktihkalasj dagojt tjadádit ja ájn vil ienep.

Giellamano/oahppomano

Guovvamánon plánip manov Jåhkåmåhkkåj, oassálastátjit jahkásasj dálvvemárnánin. Dát la fálaldahka divna loahppaoahppijda Nordlándan gudi gadtsi julevsámegielav ja/jali Sáme histåvrrå ja sebrudahka 1:av. 

Ienep diedojt gávna fága oahppoplánan, gehtja sválldasav vuollelin gånnå tjuodtju: “Ienep diehto” 
KH joarkkaskåvllå la guládallamin Åhpadimdirektoráhtajn julevsáme versjåvnå birra.