OBS! Nettleseren din er utdatert. Vi anbefaler at du laster ned en annen, moderne nettleser som Google Chrome, Firefox eller Microsoft Edge.

IMPORTANT! Your browser is out of date. We recommend that you download a more modern browser like Google Chrome, Firefox or Microsoft Edge.

DuErHer:

Åhpadibme sámegielajda

Nordlánda filkkasuohkan ávttji divna oahppijt gudi sihti åhpadimev sámegiellaj, válljitjit sámegielåhpadimev joarkkaskåvlån. Nordlándan la stuorra dárbbo sáme máhtudagás. 

Midjij la ájnas ulmme ahte divna oahppe gudi dav sihti, oadtju buorre giellaåhpadimev sámegielan. Miján li jur dálla niellja åhpadiddje gudi åhpadi oahppijt bájkálattjat skåvlån, ja oahppijt gudi vádtsi ietjá skåvlåjn gájdosåhpadime baktu. Mij åhpadip julevsámegielav juohkka dásen, ådåálggedáses iednegielakdássáj.

Klássaladnjaåhpadibme Knut Hamsun joarkkaskåvlån

Oahppen Knut Hamsun joarkkaskåvlån máhtá válljit julevsámegielav vuostasj- jali nubbegiellan goappátjagá oahppogárvedimprográmman ja viddnofágalasj oahppoprográmman. Julevsáme åhpadibme skåvlån la klássaladnjaåhpadibme avtajn åhpadiddjijn mijá niellja åhpadiddjijs. Oattjo åhpadimev dásen mij dunji hiehpá. 

Gájdosåhpadibme oahppijda ietjá joarkkaskåvlåjn Nordlándan

Jus álgá ietjá joarkkaskåvllåj gå Knut Hamsun joarkkaskåvllåj, máhtá oadtjot julevsámegielåhpadimev mijás, valla de sjaddá gájdosåhpadibme. Dát guosská dunji gut la riektáoahppe (lågå «Gænna l riektá sámegielav oahppat?»). Duodden gájdosåhpadibmáj galga giellabæssáj sæbrrat tjavtjabun.

KH joarkkaskåvllå: dåjma sámegielhárjjidallama diehti

Giellabiese:

Juohkka tjavtja tjoahkkip divna julevsáme oahppijt Nordlánda joarkkaskåvlåjn æjvvalittjat ja sámegielav ságastittjat. Danna bessap oahppat, ståhkat, praktihkalasj dagojt tjadádit ja ájn vil ienep.

Giellamano/oahppomano

Guovvamánon plánip manov Jåhkåmåhkkåj, oassálastátjit jahkásasj dálvvemárnánin. Dát la fálaldahka divna loahppaoahppijda Nordlándan gudi gadtsi julevsámegielav ja/jali Sáme histåvrrå ja sebrudahka 1:av. 

Åhpadimdirektoráhta rámmastruktuvran sáme gájdosåhpadibmáj máhtá låhkåt ietjat riektáj birra, gehtja sválldasav vuollelin. 

PublisertAv Truls Johnsen
SistEndret 22.05.2025 10.31