Elektro- ja dáhtáteknologijja

Sidá gus barggat praktihkalasj virgen mij viehket ulmutjij adnemav strávves árggabiejven? Berusta gus ådå teknologijjas ja gåktu elektronihkalasj buktaga vuojnnuji sisbielen? Ønsker du å jobbe i et praktisk yrke som forenkler menneskers bruk av elektrisitet i hverdagen? Er du interessert i ny teknologi og hvordan det ser ut inne i elektriske produkter?

Gesi hiehpá oahppo?

Elektrofáhka hiehpa dunji gut la praktihkalasj ja giehtatjiehppe.  Viertti årrot dárkkel ja systemáhta. Duodden viertti årrot dievnastusmielak ja ájádallat dájdulattjat gå galga hásstalusájt tjoavddet.
 

Oahpon oahppá dáj birra:

• installasjåvnnå strávverustigijs 
• alármmavuogádagá/váksjomrustiga
• installasjåvnnå tjuovgas ja bivos
• stivrrit industrijjaásadusájt ja robåvtåjt 
• digitálla vuogádagá
• iesjgeŋga elektronihkalasj medijjá
• PC, mobijllatelefåvnå, næhttafielo
• Diehto ja guládallamteknologijja- ja dáhtáværmádagá jali jiedna- ja gåvvåværmádagá
• enersjijjadåbmaris goade
   

Majna máhttá barggat?

• elektrihkkárin, elektrodivudiddjen, enersjijjaoperatørran
• tábllo-, signálla- jali hæjssamontørran
• avionihkkárin, girddemekanihkkárin
• vuobmanteknolåvggån, dáhtá- jali buvtadimelektronihkkárin
• automatihkkárin, guhkásstivrrim-operatørran
• tjoasskem- ja bivvopummpomontørran
• teleguládallammontørran

Gehtja ienep diedojt Elektro- ja dáhtáteknologijja birra vilbli.no-næhttabielen

Dán oahppoprográmma vuodon li 2 jage skåvlån + 2,5 jage barggohárjjánimen. 

• Jo1-jagen li dujna aktisasj fága ja aktisasj prográmmafága elektro- ja dáhtáteknologijjan. Oahppen oattjo vuodulasj máhtudagáv strávveinstallasjåvnåj, masjijnaj ja apparáhtaj birra. 
• Jo2-jagen vállji tjiegŋodimev (prográmmasuorgev) masi sidá spesialisierit.  
• Goappátjága Jo1- ja Jo2-jagen le viddnofágalasj tjiegŋodibme, gånnå bæssá gæhttjalit iesjgeŋga oahppofágajt ja oahppamdilijt. 
  
  Goappátjagá Jo1- ja Jo2-jagen li dujna 35 tijma åhpadibme aktisasj fágajn ja prográmmafágajn juohkka vahko. 
  
  Gidán Jo1-jagen mierreda guhtimusj prográmmasuorggáj sidá åhtsåt. Máhtá joarkket moattelágásj oahppomannulagájn, duola dagu: 
• automatisierik
• dáhtáteknologijja ja elektronihkka
• dråvnnåfáhka
• girddefáhka
• elfábmo ja elektronihkalasj guládallam
• tjoasskem- ja ventilasjåvnnåteknihkka

Lågå ienebuv ja gehtja guhtimusj prográmmafágajt mijá skåvllå fállá vilbli.no-næhttabielen:

Oahppoprográmma lájddi duv viddnomáhtudahkaj ja fáhkaduodastussaj. Gå la ållim viddnofágalasj oahpojn máhtá barggagoahtet jali joarkket alep åhpadusájn:

• Fáhkaduodastusájn máhtá válljit Y-bálggáv ingeniørraåhpadussaj. Y-bálges la dunji gænna l relevánnta viddnomáhtudahka. Åvddåkurssa ja Y-bálges la dábálamos almmafáhka- ja ingeniørraåhpadusájn.
• Fáhkaduodastusájn máhtá låhkåt alep viddnofágalasj åhpadusáv (fáhkaskåvllå).

Dån máhtá aj låhkåt Jo3-lasedimev oahppomáhtudahkaj.

• Jo2:a maŋŋela jali
• maŋŋel gå la åmastam viddnomáhtudagáv

Oahppomáhtudagájn le vejulasj låhkåt alep åhpadusáv allaskåvlån jali universitiehtan. Mujte val muhtem åhpadusá, duola dagu ingeniørra-, almmafáhka- ja medisijnnaåhpadusá, gájbbedi muhtem sierra almmafágajt. 

Lågå ienebuv gájbbádusáj ja åhtsåmmierij birra samordnaopptak.no-næhttabielen.

Åhtså www.vigo.no baktu.

Søknadsfristen for videregående opplæring 2026- 2027 er 2. mars 2026.
(1. mars faller på en søndag, dermed forlenget frist)

Dån viertti åhtsåt bessamav juohkka jage.